الفن والفنانين

أول تعليق من تامر حسني بعد الهجوم على آية مكرم في زفافها


05:09 م


الجمعة 26 نوفمبر 2021

كتبت بهيرة فودة:

تداول عدد من رواد مواقع التواصل الاجتماعي، فيديو من حفل زفاف البلوجر آية مكرم، التي أثارت غضب متابعيها في حفل زفافها.

ورد الفنان تامر حسني، لأول مرة على الفيديو، وكتب عبر خاصية “القصص القصيرة”، على حسابه الرسمي بموقع “إنستجرام:”آية غير إنها بنت ناجحة ومحترمة وطموحة، هي أصلا من محبيني من وهي طفلة، ودايما كان بيجيلي منها رسايل من صغرها إن أمنيتها إني أغني فى فرحها، وبعتتلي من فترة إني بالنسبة لها مثل أعلى في النجاح، وبتستمد مني طاقة إيجابية بتفرحها وبتنجح بيها”.

وأضاف :” “تخيل لو النجم أو الفنان اللي هو مثلك الأعلى ميكنش عندك مقدرة مادية إنك تجيبه يحييلك فرحك، ولأن الفنان دا صدق طاقتك اللي وصلته من حروف صغيرة، ولكن صادقة كل الصدق، فتساعد الظروف هي الأخرى ويتم إلغاء ميعاد مهم عندي من أطراف أخرى، لتأتي الظروف وتساعد، وأصبح فاضي فى هذه الساعة، فأذهب دون مقابل لفرحة آية الطفلة اللي كبرت وطول عمرها بتتمنى اللحظة دي، من خلال حروف بسيطة، فأروح وافرحها هي وعريسها الجميل الشاب الطموح المحترم هيمن”.

وتابع :” “اللى محبش مثل أعلى واتعلق بيه من صغره ولقاه جانبه بيحققله أمنية من أمنيات حياته، مش هيفهم الكلام دا، بس دي علاقة صدق في الطاقات الحب، بيألف قلوبها ربنا، عشان الناس تفرح، وفي فرحة بتخليك مش في كامل وعيك، من كتر مانت مش مصدق، ودا أنا قولته فى أغنية “يافرحة”، “يااااه مش مصدق، ربنا يرزقكم كلكم الفرحة دي، مبروك لحبايب قلبي اخواتي الصغيرين آية وهيمن، حب الناس الطيبة لفرحتكم”.

وتعرضت “آية” لهجوم شديد بسبب محاولة إبعادها لطفلة موجودة على “الاستيدج” بمجرد ظهور تامر حسني، وجاءت التعليقات: “هو إنتي زقيتي البنت الصغيرة عشان عاوزة تسلم على تامر”، وحرام تزقي البنت الصغيرة في قلبها كده”، “حرام عليكي البنت الصغيرة” ، “البنت الصغيرة صعبت عليا” وغيرها من التعليقات.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *