الفن والفنانين

حمو بيكا: قدّمت مهرجانات فيها “كلمات خارجة” من اللي كنت بشوفه في أفلام محمد رمضان


03:15 م


الثلاثاء 01 فبراير 2022

كتب عبد الفتاح العجمي:

قال مطرب المهرجانات حمو بيكا، إنه في بدايته قدّم أعمالا تحتوي على كلمات خارجة، معقبا: “من اللي كنت بشوفه في الأفلام”.

أضاف بيكا، في حوار مع الإعلامية إنجي أنور ببرنامج “مصر جديدة” عبر قناة “etc”: “أفلام كتير مصرية كنت بحكي اللي بشوفه فيها، مش عايز الناس تزعل مني، بس أفلام زي (عبده موته) و(الألماني) وغيرهم، وأنا مش بتكلم على أفلام محمد رمضان بس، في أفلام تانية كتير مش عايز أقول أساميها عشان محدش يدخل يبحث عنها ويتفرج عليها”.

تابع: “أنا كنت بغني قصص الأفلام دي، كنت بشوف أنه طالما الفيلم نزل والناس شافته يبقى ميفهوش أي حاجة خارجة.. محمد رمضان قدّم أفلام فيها حاجات خارجة في الأول بس دلوقتي خلاص”.

جدير بالذكر أن نقابة المهن الموسيقية أكدت أنها لن تمنح حمو بيكا تصريحا بالغناء إلا بعد اجتيازه اختبارات النقابة بنجاح.

وكانت نقابة المهن الموسيقية، أعلنت في 17 نوفمبر 2021، عن قائمة تضم مطربين وفرق مشهورة بتقديم المهرجانات، شملها قرار المنع من الغناء، وهم: أبو ليلة، الديزل، الزعيم، العصابة، المدفعجية، أوكا وأورتيجا، حسن شاكوش، ريشة كوستا، علي سمارة وأحمد عوت، الدخلاوية، ولاد سليمان، حمو بيكا، شواحة، نجوم المهرجانات، علاء فيفتي، عمر كمال، عمرو حاحا، فرقة الصواريخ، فرقة العفاريت، فرقة الكعب العالي، كزبرة وحنجرة، مجدي شطة، وزة مطرية، وعنبة.

اترك تعليقاً

لن يتم نشر عنوان بريدك الإلكتروني.