طليقة حسن شاكوش في أول ظهور لها بعد انفصالها: “عمل حسابات مض

11:44 م


الإثنين 17 يوليو 2023

كتب مروان الطيب:
حلت ريم طارق طليقة مؤدي المهرجانات حسن شاكوش ضيفة على برنامج “90 دقيقة” تقديم الإعلامي بسمة وهبة والذي يعرض على قناة “المحور”.

وتطرقت “ريم” عن السبب الحقيقي وراء انفصالها عن “شاكوش” والأزمات التي تعرضت لها مؤخراً بسبب المشاكل بينهما وعن عدم علمها بما يجري وتعرضها للعديد من المضايقات بسببه.

وبسؤالها عن ما إذا كان حسن شاكوش يعلم عن زيجتها الأولى قالت “طبعاً كان عارف واللي حصل انه سأل عليا من 3 سنين قالوله دي بتتجوز ولما عرف بعد كده إن حصل مشاكل وانفصلت جه واتقدم هو ده اللي حصل لكن أنا مكنتش على علاقة ولا صلة بيه ولا أنا اتعرفت عليه مثلاً من خلال السوشيال ميديا فضحكت عليه هو جاي عن طريق أهله وأهلي مش عن طريقي خالص”.

واستكملت “وأهله كانوا معترضين على موضوع البنت المنفصلة أو هو كان عايز يبين للناس إن أهلي مش حابين عشان حاجة هو عايز يخفيها أنا مش عارف هي ايه وأهله في الأول كانوا متعاطفين جداً معايا وكنا على اتصال دايماً ومش عارفة ايه اللي حصل ولقيتهم فجأة بيهاجموني بعد ما كانوا معايا وبعد كده عرفت ان في ناس بتوصلهم اني بشتمهم”.

وأضافت “اتعمل أكونتات فيك من عند حسن ونزل صورهم وأنا معنديش مشكلة مع أي حد منهم واشتمت والدته واخواته عشان يبان أنا اللي عاملة كده ومش من مصلحتي أني أخسرهم أصلاً، ولسه رايحة لوالدة شاكوش لوحدي عشان كانت تعبانة وكان مانعني أني أروح لها”.

وقرر “شاكوش” طلاق زوجته “ريم طارق” غيابياً على يد مأذون بشكل رسمي، ونقلا عن محمد أبو العلا محامي شاكوش في تصريحات لET بالعربي، أكد أن ذلك تم بمستند رسمي لدى نيابة أكتوبر.

وكانت قد أقامت ريم طارق دعوى نفقة ضد زوجها حسن شاكوش طالبته فيها بدفع 2 مليون جنيه بعد الخلافات التي أثيرت بينهما خلال الفترة الماضية ومن بينها طردها من منزلها.