بينهم شبيه إبراهيموفيتش.. أوسوريو يخطر أمير مرتضى بطالباته النهائية: “ماليش دعوة بالأزمة المالية”

12:57 م


الإثنين 17 يوليه 2023

كشف الكولمبي، خوان كارلوس أوسوريو، المدير الفني للفريق الأول لنادي الزمالك، تفاصيل جلسته مع أمير مرتضى، المشرف العام على فريق الكرة، لحسم طلبات الموسم الجديد.

قال أوسوريو خلال تصريحات صحفية: ” أي حاجة الفريق محتاجها انا بلغتها لأمير مرتضى منصور، وماليش علاقة بالفلوس ومقدرش أتدخل”.

أضاف “أوسوريو”: ” بجانب الصفقات الضرورية، محتاج مسؤول تغذية ولازم يكون مصري عشان دي نقطة مهمة، للفترة اللي جاية”.

أوضح: “أنا بقول كلامي دلوقتي وأنا مكمل في نادي الزمالك، وعايز أفضل موجود، بس عشان الأمور تبقى واضحة”.

أكمل: ” محتاج 3 صفقات في الصيف، مساك بيلعب برجله الشمال، ومهاجم صريح بنفس مواصفات إبراهيموفيتش، يبقى طويل ويقف على الكرة”.

أتم: ” الجزيري وناصر منسي، لاعيبة جيدة، لكن مش النوعية اللي انا عايزها، لازم التعاقد مع لاعب وسط ملعب بوكس تو بوكس، أنا عارف الظروف اللي فيها النادي وطلبت 3 لاعبين فقط”.