داليا شوقي ترد على دخولها عالم الفن بسبب شقيقتها بسنت شوقي

10:28 ص


الإثنين 11 سبتمبر 2023

كتبت شهد القاضي:

ردت الفنانة داليا شوقي على ما يتردد حول دخولها عالم التمثيل بسبب شقيقتها الفنانة بسنت شوقي.

ووجهت لها الإعلامية إيمان عز الدين أثناء لقائها معها ببرنامج الستات ما يعرفوش يكدبوا سؤال، قالت فيه: “في ناس كتير بتقول إنتي بتمثلي عشان أختك بتمثل، بتشوفي إيه الفرق بينك وبين بسنت؟ وإيه بيحدد شخصيتك ونقط القوة عندك إيه وعندها؟”.

وردت داليا، قائلة: “أنا مبحبش أصلا خالص الجملة بتاعت إيه يفرق ما بينك وما بينها.. أنا بحس إن كل واحد في طريقه، وراسم طريقه وعنده خطته.. ودايما بنشجع بعض عشان كل واحد يحقق أحلامه اللي هو شايفها وعايزها”.

وأضافت: “أنا دارسة مسرح 5 سنين ومن وأنا صغيرة باخد ورش، فالموضوع مالوش علاقة بيها، دي صدفة بحتة”.

داليا يُعرض لها حاليا مسلسل “سفاح الجيزة” بطولة أحمد فهمي، باسم سمرة، ركين سعد، إخراج هادي الباجوري، تأليف محمد صلاح العزب، ورشة كتابة: إنجي أبو السعود وعماد مطر، إنتاج طارق نصر، كما طُرح لها مؤخرًا فيلم “5 جولات”.