اخبار الشرق الأوسط

مصطفى درويش يعتذر لـ«نقابة الممثلين» بعد هجومه عليها بسبب شريف دسوقي – فن وثقافة

تراجع الفنان مصطفى درويش، عن مهاجمته لنقابة المهن التمثيلية، برئاسة الفنان أشرف زكي، وذلك بعد تدهور الحالة الصحية للفنان شريف دسوقي، وبتر قدمه.

وكان «درويش»، كتب عبر حسابه الشخصي على موقع التواصل الاجتماعي «فيس بوك»، قائلا: «لا حول ولا قوة إلا بالله.. اللي حصل لشريف دسوقي ده حرام، حسبي الله ونعم الوكيل في اللي كان السبب.. لو كان حد وقف من النقابة، واتحرك قبل ما يتعمل فيه الكارثة دي، كان اتلحق، بس للأسف النقابة قالت لبدرية طلبة لما استنجدت بيهم، أصله مش عضو، فمش هينفع نساعده من النقابة، بس هنبقى نبعتلك مساعدة كده شخصية».

ونشر مصطفى درويش قبل قليل، منشورا آخر جاء فيه، «تعديل للبوست، النقابة متكفلة بكل العلاج من أول المستشفى، وكانت متابعة حالة شريف من أولها لآخرها، عكس ما اتقالي أو وصلني، شكرا نقابه المهن التمثيلية بيتنا كلنا، شكرا دكتور أشرف زكي».

وتابع مصطفي درويش قائلا: «ربنا يشفيك يا شريف، ويعينك علي اللي جاي، وكل الناس معاك وفي ضهرك، ومعلومة بس، احنا مكناش سايبين شريف لوحده زي ما ناس بتقول عن النقابة والممثلين والمنتجين، بس فيه مواضيع لا يمكن تتقال ولا ينفع تتفتح، فياريت نقف جنبه بكلمة حلوة، بدعوة حلوة وبس».

وقال درويش في منشوره الأول: «حقك عليا يا شريف سامحني، والله ما كنت أعرف إنك في الحالة دي، حقك عليا والله، وقدام الجميع أهو، والله ما هسيبك لحد ما أموت أنت مسئول مني مسئوليه كاملة.. حقك عليا وحقك علينا كلنا.. الأستاذ جمال العدل اتكفل بمصاريف المستشفى والعلاج، والأستاذة كاملة جابت له طرف صناعي من أحسن شركه للأطراف الصناعية.. شكرا لبدرية طلبة أنتي بميت راجل انتي وناس إسكندرية».

(function(d, s, id) { var js, fjs = d.getElementsByTagName(s)[0]; if (d.getElementById(id)) { return; } js = d.createElement(s); js.id = id; js.src = "https://connect.facebook.net/ar_AR/sdk.js"; fjs.parentNode.insertBefore(js, fjs); }(document, 'script', 'facebook-jssdk'));
المصدر: اخبار الوطن

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *