تعاقدت الفنانة غادة عادل وماجد الكدواني على بطولة فيلم جديد تحت عنوان “ وفيها ايه يعني” والذي من المقرر أن تعلن عنه شركة الإنتاج.
تصدر اسم الفنان ماجد الكدواني، خلال تريند موقع التدوينات الشهير إكس تويتر سابقًا، وذلك بعد حلوله ضيفًا على برنامج برودكاست Big Time، الذي يقدمه الإعلامي عمرو أديب، والذي تحدث خلاله عن كواليس حياته الشخصية.
وقال:” معنى اسم “الكدواني” نسبة إلى قرية كودية التابعة لمركز ديروط بمحافظة أسيوط في صعيد مصر”.
ماجد الكدواني يتحدث عن علاقته بكريم عبدالعزير
وأضاف: “كريم عبد العزيز ده حبيبي، اللي بيعجبني فيه الأمانة والمصداقية اللي من القلب للقلب وساعات نقعد أنا وهو نتكلم مع بعض ويقول لي يا أخي مش فاهم الناس بقت عاملة كده ليه؟ هو إحنا شكلنا غريب قدام الناس ليه؟ هو حاجة غريبة اتنين بيحبوا بعض لله في الله؟”.
وتابع: “سر علاقتي بكريم عبد العزيز اننا بنحب بعض بجد ونغلط ونتعاتب محدش هيسمك على حد حاجة، أنا وهو بنتكلم في الحياة بعيد عن المهنة خالص، صداقتنا عمرها 24 سنة ومستمرين دون خناق، هو إنسان جميل وقلبه صافي ودايما يقولي احنا مصروفين لبعض ومراتي تقولي ربنا يبعد عنكم العين”.
وقال: “كريم عبد العزيز ده لو في يوم اتنرفز وزعل وقلع الجزمة وضربني بيها هسامحه علشان ميبقاش حسد، وشهادة قدام ربنا لو عمل فيا ايه مش هزعل منه”.
المصدر: بوابة الفجر
