01:23 م
الثلاثاء 11 يوليو 2023
كشفت الفنانة عايدة رياض عن تفاصيل مشهد الضرب الذي جمعها بالفنان عادل إمام في فيلم “اللعب مع الكبار”.
وقالت خلال لقائها ببرنامج واحد من الناس مع الإعلامي عمرو الليثي المذاع عبر قناة الحياة: ” المشهد ده كان ضرب نار .. مستحيل أنساه .. واحنا بنعمل البروفه قالي اضربي عالهوا كده يا عايدة انتي رياضية وأنا أخاف منك .. قولتله حاضر وبدأنا المشهد لقيته بيضرب بجد روحت قايمة مدياله بالروصية وكنت عاملة مجهود عشان أضربه وهو ضربني والضرب كله كان بجد فعلا وهو قالي يا بنت اللذينة بتضربي بجد”.
وأضافت عن الفنان عادل إمام قائلة: ” هو من ميزته لو في مشهد “close” ليك هو بيوقفلك وقليل اللي بيعمل كده وده أستاذ عادل كمان .. أنا كنت بقوله اتفضل حضرتك يقولي لا يا عايدة عشان أديكي الإحساس صح فهفضل واقف قدامك”.
فيلم اللعب مع الكبار عُرض عام 1991 وهو من بطولة الزعيم عادل إمام، حسين فهمي، محمود الجندي، عايدة رياض، جمال متولي ونخبة من نجوم الفن ومن إخراج شريف عرفة وتأليف وحيد حامد.
