تعليق جديد من أحمد العوضي حول عودته لـ ياسمين عبد العزيز بعد الطلاق
![](https://sawahmedia.com/wp-content/uploads/2024/05/2024_5_25_0_7_11_98.jpg)
12:07 ص
السبت 25 مايو 2024
كتب مروان الطيب:
حل الفنان أحمد العوضي في مداخلة هاتفية عبر تطبيق “زووم” ببرنامج “واحد من الناس” تقديم الإعلامي عمرو الليثي ويعرض على قناة الحياة وذلك بمناسبة بدء عرض مسلسله “حق عرب” على القناة والذي عرض مؤخرًا ضمن موسم دراما رمضان 2024.
وتحدث عن علاقته بطليقته الفنانة ياسمين عبد العزيز قال: “أنا قولت أن أنا بحب ياسمين جدًا وهي كمان بتحبني والحقيقة اللي سائد الاحترام والود والحب، إحنا بينا كل حاجة حلوة، ومفيش بينا أي خلاف وإن شاء الله لو ربنا كاتب لنا هنرجع ولو رجعنا هنقول، ياسمين عندي حاجة كبيرة جدًا زي ما أنا عندها حاجة كبيرة وأتمنى لها كل حاجة حلوة في الدنيا”.
وتحدث “العوضي” عن كواليس مسلسل “حق عرب” وعن نجاحه بموسم رمضان وتحقيق نسب مشاهدات مرتفعة، إلى جانب تطرقه لعلاقته بطليقته الفنانة ياسمين عبد العزيز.
وعن مسلسل “حق عرب” قال: “أنا من منطقة شعبية ودايمًا كنت مهووس من وأنا صغير بجدعنة ولاد البلد وطيبتهم وشهامتهم وكنت بحلم أني لما أبقى بطل أقدم الصورة دي لأني بحب أشوفها من وأنا صغير ومتأثر بيها أحب من خلالها أوضح أن البطل الشعبي مش لازم بس يكون بيضرب ممكن يبقى بينصر الحق ومتمسك بالعادات والتقاليد واللي ممكن نكون افتقدناها شوية دلوقتي”.
وأضاف: “فكرة المسلسل لما كلمت صديقي وحبيبي المؤلف محمود حمدان وقلت له عايز أعمل مسلسل رمضان الجاي والمسلسل يبقى بيحمل رسالة مش بس مسلسل الناس تتفرج عليه وينجح في وقته وبعد كده يتنسي لأ كنت عاوز يبقى مسلسل قيم يفكرنا مسلسلات زمان وبعدها جالي بفكرة المسلسل وانا اتشجعت جدًا”.
https://www.youtube.com/watch?v=Qd0C5kKKfI
اقرأ أيضا:
طارق الشناوي يهنئ صناع فيلم “رفعت عيني للسما” بعد الفوز بـ “العين الذهبية” في كان
بعد نجاحها في السعودية.. أحمد حلمي يعرض مسرحية “ميمو” في مصر بعيد الأضحى