04:34 م
السبت 12 أغسطس 2023
كتب مروان الطيب:
ظهرت الفنانة فيفي عبده، خلال الساعات الماضية بالساحل الشمالي، لتطمئن جمهورها ومحبيها على حالتها الصحية بعد تعرضها لوعكة صحية خلال الأيام الماضية بسبب “السحر” على حد تعبيرها.
وبعد اعتراف “فيفي” بتعرضها للسحر خلال الأيام الماضية، خرج المنتج السينمائي أحمد الزواوي عبر احدى القنوات الفضائية مؤكدا أنه لجأ للسحر من أجل إيذائها لوجود خلافات مالية بينهما.
وكانت فيفي عبده قالت في لقاء سابق لها ببرنامج “الحكاية”، إن زيادة وزنها وتدهور حالتها الصحية يعود لأعمال السحر، موضحة: “عندي كيس بلاستيك مليان سحر في البيت، وعملولي سحر كتير جدا، وفيه ناس قالولي أرميهم في المياه وناس تانية قالتلي أرميهم في الطريق وأنا دلوقتي مستنية أشوف هعمل فيهم إيه، والسحر مذكور في القرآن وبالنسبة للأعمال.. ربنا يؤذي المؤذي”.
كما اعترفت أنها في إحدى المرات شعرت وهي ترقص على المسرح أن جسدها لا يتحرك، وعندما ذهبت إلى الطبيب أخبرها أنها لا تعاني من أي مرض وعلمت بعدها أن ما حدث لها سببه السحر.
وحل المنتج السينمائي أحمد الزواوي ضيفا ببرنامج “حضرة المواطن” تقديم الإعلامي سيد علي في شهر يوليو الماضي، وكشف في تصريحاته عن لجوئه لأعمال السحر في محاولة منه لتصفية حسابات بينه وبين الفنانة فيفي عبده، قائلا: “فيه طرق بنستعملها في حالة لينا حق عند حد مش عارفين نجيبه بالقانون ولا بالأصول”.
واستكمل: “الموضوع مالوش علاقة بالسحر بل الفلك، ومش أي حد يقدر يعمل الكلام ده وحاولت أخد حقي بشتى الطرق ومعرفتش، والنقابة معرفتش تجيب لي حقي حتى الوسطاء اللي تدخلوا معرفوش يجيبولي حقي وكان لازم ألجأ لحاجة بنسميها قرصة ودن”.
وأوضح: “فيه متخصصين بيعملوا الكلام ده وكان ليا فلوس دفعة تعاقد على بطولة فيلم كانت 60 ألف جنيه في 2017 وبعد محاولات حاولت أخد فلوسي منها بقيمتها النهاردة والمبلغ مش هيفرق معاها في حاجة لكن هي رافضة تدفع”.
وأضاف: “مكانش فيه حاجة بينا خلاص احنا حضرنا للفيلم ومضت وجبنا الأبطال اللي هي رشحتهم معاها وأول ما كنا هنبدأ تصوير وأكدنا عليها الأوردر وبعد ما حجزت لوكيشن ومعدات لقيناها ما بتردش خالص، وكلمت الدكتور أشرف زكي وقالي تعالي أعمل شكوى في النقابة ومعرفوش يجيبوها يحققوا معاها زي ما جابوني وحققوا معايا ورفعت قضية وكل شوية يتعملها حفظ عشان بتغير عنوانها كل شوية”.
