06:51 م
السبت 05 أغسطس 2023
كتبت منى الموجي:
تصوير نادر نبيل:
قالت الفنانة الشابة مايان السيد، إنها ترى كل البشر يتمتعون بقدر من الجمال، مشددة على أهمية اهتمام الإنسان بجماله الداخلي والذي ينعكس على الشكل الخارجي.
وتابعت في تصريحات خاصة لـ”مصراوي”: “الجمال موجود عند كل الناس، مش بشوف حد وحش، كل الناس جميلة، والجمال الداخلي مهم جدا وبيبان على الشكل الخارجي”، لافتة إلى أن الاختلاف يصنع أيضا جمالا “الحاجات الصغيرة اللي مش بتعجبنا في نفسنا، ساعات بتخلينا أجمل بكتير والجمال الطبيعي بالنسبالي أهم حاجة”.
وعن عمليات التجميل وهل ستفكر يوما في إجرائها، علقت “أنا مبسوطة بشكلي ومش بحس إني محتاجة أعمل حاجة زيادة، مش قادرة أقول في المستقبل البعيد ممكن أعمل إيه، لما حد بيكبر بيلاحظ حاجات مختلفة، بس من وأنا صغيرة مامتي معوداني اخد بالي من بشرتي باستخدام منتجات للعناية بالبشرة مناسبة ليا، وده هيساهم في تأخير ظهور علامات معينة ليها علاقة بالتقدم في السن زي التجاعيد”.
وأضافت مايان “إلى جانب أن التمثيل زاد من اهتمامي بنفسي. وبشكل عام كل شخص سواء كان عمله بمجال التمثيل أو لا من الضروري أن يهتم ببشرته في وقت مبكر، لتأخير علامات التقدم في السن”.
جدير بالذكر أن مايان السيد شاركت في رمضان 2023 بمسلسل “1000 حمد لله على السلامة” مع النجمة يسرا، وظهرت أيضا في مسلسل “جت سليمة” مع الفنانة دنيا سمير غانم”.
