11:22 م
الأحد 10 مارس 2024
كتب معتز عباس:
أشاد الفنان وليد عبدالعزيز بنجاح نهائي كأس مصر بين الأهلي والزمالك، تحت رعاية المستشار تركي آل الشيخ رئيس الهيئة العامة للترفيه السعودية، واصفًا: “راجل ذكي جدا وطموح”.
ونشر وليد عبدالعزيز، عبر صفحته الرسمية على موقع “فيسبوك”، صورة للمستشار تركي آل الشيخ، وعلق: “راجل ذكي جدا، جاب فرقتين من مصر وباع تذاكر للمصريين ومذيع مصري وعمل ماتش عنده، ومش بس كده جاب حكم شكله ينفع يبقى ترسند وذاع الماتش على mbc و on”.
وأضاف: “لما تشوف كل خطواته اللي أخدها هتعرف فعلا أنه ذكي وأكيد الفلوس عامل قوي في تحقيق نجاحاته لكن لازم تعرف أن الفلوس بتيجي للناس الأذكياء بردو”.
وأكمل: “فكرة إن كريستيانو وميسي وغيرهم في السعودية دي لوحدها كفاية، عرف إزاي يعمل تسويق للكورة في السعودية ونهض بالكورة السعودية بتقدمها بشكل جيد في ملاعب شيك ونقل أفضل صورة للمشاهد”.
وعن موسم الرياض، قال: “تركي آل الشيخ افتتح موسم الرياض وضم جميع ممثلين مصر والعالم للمشاركة فيه.. واتعمل بالفعل مسرحيات كتيرة جدا ونجحت نجاح كبير، افتتح فوق الـ٢٠٠٠ دور عرض في السعودية وسوق جديد كبير لبيع الأفلام المصرية في السعودية منهم فيلم تامر حسني اللي تخطي الـ ٧٠٠ مليون جنيه مصري، غير منصة شاهد اللي بقيت عليها أعمال كتير حلوه من جميع دول العالم والشرق الأوسط”.
وتابع: “مش بس كده جه مصر بدعم ٤ مليار جنيه في مشروع جديد سماه big time واتفرج يا سيدي على أحلى أفلام الفترة الجاية في مصر والشرق الأوسط”.
وأضاف: “ندخل على الموسيقى وأظن أن شغفه الأول.. كم الحفلات اللي اتعملت عنده حلوة حلاوة تخلي الواحد يرجع يتفرج على حفلات غناء تاني.. ومكتفاش بكده ده جه عمل حفلات عندنا وآخرهم حفل الأوبرا.. وبيدعم كمان ذوي الاحتياجات الخاصة”.
واختتم: “المستشار تركي آل الشيخ في مكانه الصحيح .. ولو كل واحد يبقى في مكانه الصحيح الدنيا هتتغير وهتحس بالنجاح والتميز، أنا بقي نفسي اشتغل مع شخص ذكي زيه وطموح بيحب اللي بيعمله وبينفذ بسرعة.. وعندي كتير أفكار هتغير شكل السينما في الوطن العربي.. ياريت اللي يعرفه معرفة شخصيه يبلغه”.
اقرأ أيضا.
بالفيديو شاهد الأغنية الدعائية لبرنامج رامز جلال “رامز جاب من الآخر”
