رفضت الفنانة الشابة ملك أحمد زاهر الاستجابة لرجاء والدتها هدى زاهر بتقليد شقيقتها ليلى زاهر وتوديع العزوبية، حتى تتفرغ الأم لتربية البنات الأصغر، وردت ملك على أمها قائلة: هقولهالك تاني يا مامي قاعدة على قلبكم مدة لا تقل عن 16 سنة كمان يا بختكم بيا.
القصة بدأت مع منشور تهنئة هدى زاهر لابنتها ليلى بإعلان ارتباطها رسمياً بالفنان والمنتج هشام جمال، حيث تضمنت التهنئة أمنية بارتباط ابنتها الكبرى ملك، وقالت هدى: بارك الله لكما وبارك عليكما وجمع بينكما في خير … الحمد لله والشكر لله يارب … عقبال الباقي والنبي تعبوني.. اتمني منكم حبايبي دعوه حلوه للعرايس ربنا يسعدهم ويهنيهم وكلكوا يارب تفرحوا باولادكم وتشوفوهم في احسن حال اللهم امين … صلوا علي النبي على عرايسنا الحلوين … ياابو العروسه طول عمرك نفسك في ولد وربنا عوضنا بأحلى ابن دخل بيتنا وعيليتنا وبقي ابننا …دعواتكم يااحباب.
شاهدي المزيد: ليلى زاهر تحتفل بارتباطها وهشام جمال: بقينا “couple” خلاص
وردت ملك سريعاً على والدتها قائلة: أنا مش رايحة في حتة يا ماما أنا قاعدة معاكم.
لترد عليها والدتها هدى زاهر قائلة: لا معلش حبيبتي انا عارفه انك مش عايزه تروحي في حته وعاجباكي اوي القعده معانا بس معلش احنا بس محتاجين راحه لمده زمنيه لا تقل عن نص قرن وده مش هيتحقق غير بالجواز … ربنا يبعتلك الي يستاهل قلبك الطيب وروحك الغاليه واخلاصك وحبك لغيرك واشوفك احلي عروسه انتي وبقيه اخواتك.
وانتقل الحوار لخاصية الاستوري بحساب ملك زاهر حيث وجه لها عدد كبير من متابعيها أسئلة حول موقفها من الزواج، وردت قائلة: أنا لست مرتبطة ولا يوجد حب في قلبي، وحاليًا أنا مركزة في شغلي ودراستي ولما أرتبط هطلع وأقول.
وتابعت ملك زاهر: 2023 أسوأ سنة عدت عليّ في حياتي، واتعلمت فيها إني مجيش على نفسي، واختار الأشخاص اللي تدخل حياتي، ومفيش حد أهم من أهلي، ورأي أهلي دايمًا صح، ومقررة في 2024 إني أكون مبسوطة وسعيدة وماجيش على نفسي.
وعن مواصفات فتى أحلامها، قالت ملك زاهر: الزواج ده موضوع كبير بالنسبة لي، وعشان أختار حد أتجوزه لازم أكون مش شايفة غيره في حياتي، وبالنسبة للمواصفات لازم يكون شخص طويل علشان أنا طويلة، ولازم يكون مسؤول وراجل وأحس معاه بالأمان.
وعلقت هدى زاهر على كلام «ملك»، قائلة: «خلصيني يا حبيبتي الله يسعدك عندي غسيل كتير وورايا لسه إخواتك الصغيرين، إيه يا شيخة بقى».
ملك أحمد زاهر ترد على حديث والدتها
لترد ملك أحمد زاهر، على كلام والدتها، قائلة: «بغض النظر إن هما كبروا الموضوع وعملوه خبر، وأنا أصلًا أتفه من كده، بس هقولهالك تاني يا مامي قاعدة على قلبكم مدة لا تقل عن 16 سنة كمان يا بختكم بيا».
لمشاهدة أجمل صور المشاهير زوروا «إنستغرام سيدتي»
وللاطلاع على فيديوغراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
